header interior
Inatsisartut akuerivaat ulloq 19. Maj 2010 suut oqaasiussasut Nunatsinni suliffeqarfinni allaffissornikkullu aqutsisoqarfinni. Tassani § 4 ima allassimavoq:
§ 4. Namminersorlutik ingerlatsisut minnerpaamik 10-nik sulisullit, aamma pisortat ingerlatsivii pisortatullu oqartussaasut oqaatsinut politikkimik ilusiliissapput.
Imm. 2. Oqaatsinut politikkimi imaritinneqarsinnaapput
1) pisortatut oqartussaaffiup imaluunniit suliffeqarfiup oqaatsitigut piginnaaffiinik erseqqissaaneq,
2) allamiut oqaasiinut kulturikkullu piginnaaffinnik ersersitsineq,
3) pisortatut oqartussaaffiup imaluunniit suliffeqarfiup avataanit oqaatsitigut isigineqarnerata ersersinnera,
4) suliffiup iluani avammullu attaveqaqatigiinnermi najoqqutassiat, aamma
5) sulisut piginnaasassaannut anguniakkat.
Imm. 3. Sulisitsisoq pisussaavoq sulisuminik immikkut pineqartumuinnaq oqaloqatiginnissalluni sulisup oqaatsinik aamma kalaallit kulturiannik, oqaluttuarisaanermik inuiaqatigiinnilu pissutsinik ilinniartitaanissamut pisariaqartitsinersoq.


Oqaatsisigut piginnaasaqarneq


Nuuk Transport kalaallit suliffeqarfigivaat, sulisuisa 95%-ii kalaallissut oqaluttuupput, taakkunanngalu marluinnik oqaasillit qallunaatut/kalaallisullu amerlapput.

Qullersat akornanni ataasiakkaat kalaallisoorsinnaanngillat, nunaqavissuuppulli, pisariaqartinneqanngilaq § 4 stk. 3. Qullersat aqutsisullu tuluttoorsinnaassuseqarput tamarmik immikkut piginnaaneqarlutik.

  • Nuuk Transportimi ileqquuvoq oqarasuaatikkut, e-mail-ikkut allatullu saaffiginnissutit suna oqaaseq atorneqarnera malillugu akisarnissaq
  • Kalaallit oqaasii salliutinneqarput qallunaatuumiit tuluttuumiillu, tamanna sulisutta iluminni paaseqatigiissinnaaneq oqaatsisigut atuinerat malillugu
  • Isumannaallisaanikkut ingerlaaseq kalaallisut, qallunaatut tuluttullu suliaapput – takussutissartaani oqaatsit tamarmik atorneqarlutik
  • Avataaniit suliakkiissutit akineqartarput apeqqutaalluni oqaaseq sorleq atorneqarnersoq


Oqaatsinut ilinniartitaaneq


Oqaatsisigut piginnaasaqarneq piginnaanikinnerlu Nuuk Transportip akuerivaa, sulisumilu oqaatsisigut ineriartortuarnissaat ilalersorlugit

Oqaatsinik pikkorissarumalluni qinnuteqartoqarpat Nuuk Transport tapiisinnaavoq ilinniarnissamut, soorlu illoqarfitsinni unnukkut pikkorissarfinni.