header interior
Sulisutta peqqissuunissaata pitsaanerpaamik sulissutiginissaat.

Peqqinnissamut suliniutit sulisut qullersaasullu kissaataat malillugit ingerlanniarneqarpoq, Nunarsuatsinnilu inuit peqqissuunissaannut anguniakkat kissaatillu malillugit, soorlu allassimasut uani kalaallit peqqissuunissaasa maleruagassaat ukiuni 2013 – 2019 tikillugu, Inuuneritta II.

Pingaarnertut suliniutit Inuuneritta II-mi imaapput:
  • Imigassamik ikiaroornartumillu atornerluinerit
  • Pujortarneq
  • Peqqinnartunik nerisaqarnissaq isumagalugu
  • Inuiaqatigiit iluanni timersornikkut qaffassaaqataanissaq

Tarnikkut peqqissuunissaq isiginiarneqarpoq inuup inuunermigut timikkullu peqqissuunissa pillugu.


Imigassaq anngiortumillu eqqussukkat aanngajaarniutit, hash ilanngullugu

Kissaatigineqarpoq sulisut atornerluisuussanngitsut atornerluisunngussanngitsullu, sulisullu atornerluisuuppata ikiorlugit iperaasinniarnissaat.

Ima iliornikkut anguniarneqarput:
  • Sulinerup iluani imigassartorneq akuerineqanngilaq
  • Aanngajaarniutit hash ilanngullugu akuerineqanngillat
  • Kajumissaarinikkut sulisut atornerluisut katsorsartinnissaat
  • Tapersersuinikkut sulisut katsorsartinnissaannik ikiorlugit
  • Sulisisut katsorsartinneranni, katsorsartereerneratalu kingorna tapersersorlugit oqaloqateqarsinnaanissaannik ilalersorlugit


Pujortartarneq

Nuuk Transportip kissaatigaa sulisumi pujortartalinnginnisaa, pujortartartuuppallu pujortarunnaarniarneranik taperserlugu ikiorlugulu.

Tamanna imak anguniarneqassaq:
  • Nunatta pujortartarnerup inatsisai malinnerasigut, soorlu suliffeqarfiup iluani pujortartoqassanngilaq aammattaq peqqinnartunik nerinerunissamut kajumissaaraluni.


Nerisat peqqinnartut


Nuuk Transportip sulisut sulinerup nalaani peqqinnartunik nerisaqartarnissaat, kajumissarinikkullu
peqqinnartunik nerisaqartarnissaat.

Ima iliornikkut anguniarneqarput:
  • Neriniartarfik “Igaffik”-mi peqqinnartunik tuniniaanikkut, Ernæringsråd-ip siunnersuutai nerisassat peqqinnartut 10 malillugit
  • Kajumissaarinikkut sulisut peqqinnartunik nerisarnissaannut


Timersornerunissamut kajumissaarineq


Nuuk Transportip kissaatigaa sulisut tamarmik nuannersumik unammillenartumillu timersorsinnaanissaannut periarfissikkusullugit aammalu Ernæringsrådip siunnersuutai, soorlu ullormut akunneq ataaseq ullormut timip aalatittarnissaa.

Ima iliornikkut anguniarneqarput:
  • Timersornissamut kajumissaarinikkut
  • Timersuutit sulisut nammineq aalajangigaannik tapersiinikkut (suliffeqarfiilli unammillernartunik suliallit ilanngunnagit)


Atugarissaarneq tarnikkullu peqqissuuneq


Nuuk Transportip eqqumaffigivai sulisumi atugarissaarnera, suliniutigerusullugulu sulisut atugarissaartinnissaat suliffeqarfiup iluani avataanilu.

Ima iliornikkut anguniarneqarpoq:
  • Ataqqeqatigiinnikkut sulisullu iluanni akaarinneqatigiinneq
  • Sulisut iluanni susassaqaqatigiinnermik suliat, tamarmik ilaaffigisinnaasaat
  • Nakkarsaasoqannginnissaa allatullu nikanarsaanikkut iliortoqannginnissaa
  • Nakkarsaasoqartillugu, tarnikkullu peqqinnanngitsumik suliffiup iluani pisoqaraangat akulerunnissaq
  • Nakkarsartittoq tapersersorlugu
  • Sulisup ikiornissa qullersanut saaffiginninniarpat, soorlu Inunnut isumaginnittoqarfimmut il.il.
  • Sulisuinnut utaqqiisaasumik inissaannik ikiuinikkut


Peqqissuunissamik suliaqarneq


Suleqataasup peqqinneranut atugaanullu Nuuk Transportip isumagaa timikkut tarnikkullu peqqissuuneq sulinermut ilaalluinnartoq. Tamassuma suliniutit aalajangersimasut suliffimmi isumannaallisaanikkut suleqatigiissitaliaata ataaniipput.


Akuerineqarpoq Suliffimmi isumannaallisaanikkut suleqatigiissitami ulloq 2013


Peqqissuunissamut angusat nalunaarsukkat

Ukiumut angusarineqartut majip aallaqqaataani allattorneqartarput.


Pujortarneq
  1. Pujortarunnaarniarmi neqereroorutit qassiuppat
  2. Sulisut qassit pujortarunnaarniarnermi peqataappat
  3. Sulisut pujortarunnaarnermi peqataasut qassiuppat
  4. Pujortarunnaarniarnermi peqataasut qassit iluatsittumik pujortarunnaarpat

Imigassaq
  1. Qassit suleqatiminnik atornerluisumik naammattuuisimappat
  2. Qassit katsorsartissimappat

Timersorneq
  1. Qassit timersornermik neqeroorutinik pisimappat
  2. Akulikitsumik sapaatip akunnikkaartumilluunniit qassit atuisimappat

Nerisassat peqqinnartut
Angusat nalunaarsorneqanngillat


Inuunikkut tarnikkullu peqqissuuneq
  1. APV-mi apeqqutit malillugit nalilerneqartarput – taamaaliortoqarsimatillugu
  2. Saaffiginnissutit qassiuppat suliffimmi sillimaniarnermi aallartitamut imaluunniit qullersanut, nakkarsaasoqartillugu
  3. Qassit qullersanut saaffiginnikkusullutik ikioqqullutik saaffiginnippat
  4. Suliffiup iluani sulisunut saaffiginnittut qassit ikiorneqarpat
  5. Aalajangersimasumik suliffillit qassit inissaminnik pisariaqartitsippat
  6. Inissaminnik ikiorneqartut qassiusimappat