Nuuk Transportimi sulisunut

Nuuk Transport allagartartaarnissamut pikkorissarnernik EUC Nordvestsjælland -meersunik tullinnguuttunik pisisarpoq, sulisut ilinniaqqissinnaaniassammata suliassaqarfiillu assigiinngitsut akornanni pikkorissunik sulisoqarnissarput qulakkeerniarlugu.

Mobil kraninut pikkorissarneq

Mobil kranit (angallattakkat) atornissaannut ilinniagaq tunngaviusoq 8 tonsmeteri kivitsisinnaassuseqarpoq,   Kraninullu allagartartaarnissamut ilinniagaq kranit pillugit tunngaviusoq tamarmiusoq 30 tonsmeterinik kivitsisinnaassuseqarluni.

Anguniagaq

Peqataasup kranit atorlugit suliassat takkuttartut nalinginnaasut 8 tonsmeterinik kivitsisinnaassuseqarluni kranillu pillugit tunngaviusumi tamarmiusumi 30 tonsmeterinik kivitsisinnaassuseqarluni suliarisinnaavai, taamaattumillu Sullivinnik Nakkutilliiviup Suliffeqarfiit aavatangiisiini suliat pillugit ilinniakkat pillugit Nalunaarut naapertorlugu angusinissamut piumasaqaatai naammassineqarlutik. Ilinniakkamik naammassinnittup makku ilisimasaqarfigilissavai: - mobil kraninik suliaqarnermi kinguneqaataasinnaasut – Mobil kranit sananeqaataat isumannaallisaataallu- mobil kranit piginnaasaannut naatsorsukkat, matumani piginnaasaasa killingi ilanngullugit- ikkussinissamut/peersinissamut maleruagassat, matumani kivitsinissamut atugassat ikkussinissamullu atortut eqqortut toqqaanissaq ilanngullugu- kranit ullorsiutaasa imarisai pisariaqartinneqartullu naapertorlugit taakkununnga allattuisinnaanissaq- mobil kraninik kattussilluni kivitseqatigiitsitsinermut aamma mobil kraninik inuttut kivitsinermut maleruagassat – mobil kranit patajaassusaannut nunamullu toqqammaveqarneranut tunngasut tunngasut naqqaqutillu/toqqammaviillu assigiinngitsut kivitsisinnaassusaannik nalilersuisinnaaneq- saniatigut atortorissaarutinik toqqaaneq, soorlu pallegaffel aamma læssegrab, taakkulu eqqortumik ikkussinnaassallugit- niuluusamillu eqqortumik atuisinnaaneq. Peqataasup ilinniakkani naammassereerpagu:- mobil kranit isummaallisaanikkut peqqissutsikkullu illersorneqarsinnaalluartumik atorsinnaassavai, matumani ilanngullugit oqimaatsunik assartuinerit ataqatigiissarluakkat atortorissaarutillu ataatsikkoorussat atornissaat ilanngullugit, aamma kivitsinnginnermi kivitanik aalasunik unitsitsineq, kivitassat oqimaassusaannik nalilersuineq, aamma oqimaassutsip qeqqanik sumiissusersineq, kivitarlu iluamik ikkussimanersoq ilisimassallugu - ikkussisussamik siunnersuineq, matumani ussersuutit ikiortiullugit (ussersuutit nalinginnaasut) radiomillu atuineq- kranit ikkussinissamillu atortut qanoq akulikitsigisumik misissorneqartarnissaasa aserfallatsaalisarnissaasalu ilisimsnissaat,- kraninut aqutsisup nakkutilliinerit akisussaaffigissaaaaanik suliaqarneq, marumani ilanngullugit ikkussinissamut atortunik nakkutilliineq- kraniliortup ilitsersuutai aallaavigalugit mobil kranit aalajangersimasut atornissaat pillugit ilisimasaqalernissaq- usit pillugit diagramminik atuarsinnaaneq- mobil kraninik eqqortumik piareersaaneq

Gaffeltruckinut pikkorissarneq

Peqataasut ilinniarneerpata gaffelstablerit nammineerlutik ingerlasartut gaffeltruckillu atorsinnaalissavaat aqussinnaalerlugillu, kiisalu gaffeltruckinik gaffelstablerinillu ulluinnarni aserfallatsaaliisinnaalissallutik.

Anguniagaq

Peqataasoq ilinniarneeruni assartugassanik assigiinngitsunik assartuinermi isumannaallisaanissamut aalajangersakkat naapertorlugit rampini, reolgangini, inini inissakittuni quersuarnilu angallannermut inatsimmi piumasaatit naapertorlugit gaffelstablerit nammineerlutik ingerlasartut gaffeltruckillu (innaallagiatortut dieselitortullu/gassitortullu) assigiinngitsut assigiinngitsunik sananeqaatillit atortorissaarutillillu atorsinnaalissavai aqussinnaalerlugillu. Peqataasup makku piginnaasarilissavai: · containerini usiivinnilu reolini assigiinngitsuni assigiinngitsunik portussusilinni assigiinngitsunik assartugassanik eqqortumik poortuineq, kivitsineq ilisinerlu, kiisalu qaleriiaarineq, matumani ilanngullugit nammineq kivitsissutigtisassanik usissutissanillu toqqaaneq. · Gaffeltruckinik aquttup nakkutilliinissamuit akisussaaffigisaanik suliarinninneq, Gaffeltruckillu qanoq akulikitsigisumik misissornissaanik aserfallatsaalinissaanillu ilisimasaqarneq. · Maskiinat aalajangersimasut atorneqartut pillugit ilisimasariaqakkat piginilernissaannut atatillugu gaffeltruckinik ulluinnarni suliaqarnissamut gaffeltruckiliortup ilitsersuusiaannik atuisinnaaneq. · Gaffeltruckinik gaffelstablerinillu suliaqarnermut atatillugu kingunerluutaasinnaasut pillugit ilisimasanik atuisinnaaneq, mtaumani ilanngullugit gaffeltruckip/gaffelstablerip sananeqaataa isumannaallisaataalu kiisalu truckit assigiinngitsut piginnaasaattut naatsorsukkat piginnaasaasalu killingi. · Artukkiinernut diagramminik assigiinngitsunik isumannaatsumik illerssorneqarsinnaasumillu atuarsinnaaneq, matumani ilanngullugit kivitassap oqimaassusaanik oqimaassusaatalu qeqqata sumiiffianik nalilersuisinnaaneq kiisalu kivitassaq kivinneqannginnerani pajataatsumik inissisimaneranik ilisimasaqarnissaq. · Gaffeltruckinik gaffelstablerinillu aqutsinermut ingerlatsinermullu atatillugu sullivimmi aaavatangiisit / timip atugarissaarnissaanik, ikuallattoornaveersaarnissamik ikiueqqaarnissamullu suliaqarsinnaaneq. Ilinniagaq sammisanik Sullivinnik Nakkutilliiviup Suliffeqarfiit aavatangiisiini suliat pillugit ilinniakkat pillugit Nalunaarut naapertorlugu gaffeltruckinik gaffelstablerinillu aqutsinermut ingerlatsinermullu atatillugu piumasaqaatinik peqataasut piginnaasarisariaqagaannik imaqarpoq. Ilinniakkamiipportaaq nalunaarummi pineqartumi allagartartaarnissamut misilitsinneq massumunnga allagartartaarnissamut censoreqarnissamut ilitsersuummut aalajangersagaq.