header interior
1985
Jens Egede kranbiilimik pisivoq namminersortunngorlunilu Nuuk Transport-imik taaguuserlugu. Kinguninngua biilitaaqqippoq – ingerlalluarlunilu. Sulisui 1 – 3.

1989
Suliffeqarfiup usingiaaneq aallartippaa, Nuup umiarsualiaviani, Usit Nuuk ApS-imik taaguuteqalerpoq, ingerlalluarami 30 missaanni sulisoqarpoq.

1996
Suliffeqarfik allanngortinneqarpoq anpartselskabitut, taaguuserneqarpoq Nuuk Transport & Usit Nuuk Aps. Tamanna killigalugu ingerlallualerpoq 1998-milu illoqarfitta eqqaavii kommuneminngaanniit suliffeqarfitsinnit ingerlanneqalerpoq, sulisullu 50-it missaaniipput.

1998
Jens Egedep Edward Niclasen piginneqatigilerpaa, suliffeqarfillu taaguuserneqarpoq Nuuk Transport ApS. Imminut nittarsaatereernermigut, aalisariutinik usingiaaneq kisermaallugu ingerlatilerpaa, Nuup umiarsualiviani.

2001
Illoqarfitta iluani eqqaavinnik sullissinerput allanngortipparput avatangiisitsinnut mingutsitsinngitsumik eqqarsarluni, illoqarfittalu anartarfii imaartakkat isumagilerlugit. Ullumikkut illut ikittuinnannguit imaartakkanik anartarfeqarput, suliassarlu taanna ukioq 2010 Kommuneqarfik Sermersuup ingerlatilerpaa.

2002
Inissiaatileqatigiiffik INI-p inissiaataasa eqqaavii isumagineqalerput, Nunatsinnilu eqqaavilerisuni annerpaanngorluta – sulimi taamaappoq.

2003
Suliffeqarfik tamaat ataatsimoortumik illoqartinniarlugu Nuup umiarsualivianiittoq aalisakkeriviusimasoq GFI Nuuk Transportip pisiaraa, taamaasilluni 4.000m2-iusumik illorsuaqalerpoq. Illup pisiarineratigut neriniartarfik "Igaffik" ammarneqarsinnaalersimavoq.

2009
Nuuk Transport aktieselskabitut allanngortinneqarpoq taaguuserlugu Nuuk Transport A/S. Piffimmi uani sulisut 110-nut amerlisimapput, taamaasillunilu Nunatta assartuinermut sullissisut akornanni annerit ilagilerpaat.

2010
Suliffeqarfik ilaneqarpoq, silami toqqorsiviusinnaasoq "Ilisivik"pilersinneqarami Nuup ilaani Qinngorput-mi. Ukioq taanna uuliarsiortut iluatsilluartumik sullillugit aallartippavut.

2013
"Ilisivik" atulerpoq, nakkutigineqarluni toqqorsivittut, mingutsitsinngitsumillu saliivittaarpoq uuliarkoornernut. Nuullu umiarsualiavita eqqaani illorsuaq napparneqarpoq 800 m2 angitigisoq 8 meterinillu portussuseqartoq kiassagaasoq.