Igaffimmi sulineq nuannaraajuk sullissilluarnissarlu nuannaralugu, taava immaqa illit Igaffik-mi suleqatitaarisinnaavatsigit?
Pikkorissumik igaffimmi maannakkut piffissap ilaani ikiortissarsiorpugut suleqatigiinnut ilanngussinnaasumik.
Igaffik, Nuummit caféteriat annersaasa ilagaat. Tassani kusanartunik mamartunillu sassaallertarpugut, ullaakorsiutiniik, kissartunut nillertunullu ullup qeqqasiutinut, unnukkorsiutit kissartut grillikkat aamma ilaatigut Nuummi softice pitsaanerpaaq ilanngullugu. Igaffik suleqatigiitsinnut sullitatsinnullu aamma ataatsimoorfiuvoq, aamma saniatigut illoqarfimmi innuttaasuniit ornigarneqarluartarluni. Igaffik suliffeqarfinnut illoqarfiup iluani aamma aggiussisarpoq.
Suliassatit assigiinngisitaartuussapput ilaatigullu sassaalliutit kusassarlugit, erruineq igaffimmilu eqqiaaneq ilanngullugit, peqqumaasivimmi immiineq, pingaarnertulli sullitatsinnut sullissineq ingerlanneqartassaaq. Atorfimmi aamma ilaapput unnukkut sapaatillu akunnerisa naanerini vagteqartarneq.
Kinaassutsit:
- Nuannaartuunerit kissalaartumillu pissuseqarnerit suleqatinnut sullitatsinnullu pitsaasumik sunniisassaaq, ullaaraakkuugaluarpat, unnukkuugaluarpat imaluunniit sapaatip akunnerata naaneraniugaluarpat.
- Sassaalliutissanut ineriartortitsineq, nutaaliorsinnaaneq neqerooruteqarsinnaanerlu peqataaffigissavat.
- Ullaakkut unitsitassaassanngilatit anorleraluarpat, sialleraluarpat imaluunniit apigaluarpat, taamaattumik piffissaq eqqorlugu takkuttarnissat aalajaatsuunissallu naatsorsuutigaarput.
- Nammineersinnaasuussaatit igaffimmi suliassat naammassinissaannut siulliullutit suleriarsinnaassallutit.
Piginnaasatit:
- Siornatigut igaffimmi sulisimaguit iluaqutaassaaq, piumasaqaataanngilarli.
- Kalaallisut ajornanngippat oqalussinnaasuussaatit aamma tuluttut imaluunniit qallunaatut.
- Peqqissaartuussaatit suleqatikkuminartuullutillu.
Neqeroorutigisinnaavarput:
- Suliffik assigiinngisitaartunik suliassalik.
- Suleqatit nuannersut pikkorissullu.
- Suliffik avataagiisitigut pitsaasoq.
- Aningaasarsiat piginnaasat malillugit.
Atorfimmut apeqqutissaqaruit tikilluaqqusaavutit ulluinnarni aqutsisumut attaviginninnissannut, Henrik, uunga Denne e-mail adresse bliver beskyttet mod spambots. Du skal have JavaScript aktiveret for at vise den. imaluunniit 58 41 32.
Atorfinitsitsinissaq piaarnerpaamik kissaatigineqarpoq qinnuteqartullu ingerlaavartumik suliarineqassapput. Atorfik inuttassarsiorneqassaaq tulluuttumik nassaarnissap tungaanut.
Tusarfiginissat qilanaaraarput.