Aaqqissuussineq pitsaassuserlu aningaasaqarnermut immikkoortortaqarfimmi ineriartortuartumi pilersitseqataaffigiuk
Kisitsisilerillaqqippit, misissueqqissaarnermik eqqarsartaaseqarpit ulluinnarnilu suliassanik tigussaasunik suliaqarlutit aammalu ingerlatsinernik ineriartortitsinermut peqataarusuppit?
Taava illiusinnaavoq naatsorsuutinik anigaasaqarnermullu controlleritut ujartugarput.
Uatsinni aningaasaqarnermut immikkoortortaqarfimmi ilaalissaatit, tassani suleqatit akornanni ilisimasanik avitseqatigiinneq, soqutiginninneq suleqatigiinnerlu ulluinnarni pingaaruteqarlutik. Ingerlaavartumik periuutsinik systeminillu ineriartortitsillutalu pitsanngorsaasarpugut – tassanilu isumassarsiatit ilisimasatillu pingaaruteqarluinnassapput.
Suleqatissarsiorpugut, naatsorsuutini aaqqissuussinermut, pitsaassutsimut eqqortuunissamullu soqutiginnittumik, aammaattaarlu suliffimmi tatiginninneq, ammasuuneq suleqatigiinnerlu tunngavigalugit ingerlatsiviusumi nuannarisaqartumik. Aningaasaqarnermut immikkoortortaqarfimmi pingaarutilittut inissisimassaatit aammalu aalajangiinernut tunngavissanik nukittuunik tatiginartunillu qulakkeerinninnermi peqataassallutit.
Niclasen A/S pillugu
Niclasen A/S tassaavoq suliffeqarfik nukittooq nutaaliaasorlu assartuineq logistiikkilu iluanni, tassani pitsaassuseq, akisussaassuseqarneq ineriartortitsinerlu ataatsimoorlutik ingerlatsiviullutik. Umiarsualivimmi assartuinermilu suliassat, kranilerineq, eqqakkanik suliarinninneq kiisalu neriniartarfinni ingerlatsineq isumagisarpagut, aammattaaq suliffeqarfik Saffiorfik A/S ingerlapparput.
Uatsinni suliffik sukkasuumik ingerlatsiviusoq, suleqatigiilluarnermik ersarissunillu naleqartitaqarfiusoq neqeroorutigaarput, tassani immikkoortortaqarfiit akornanni ikioqatigiittoqartarluni aammalu ullut marluk assigiinneq ajorlutik.
Suliassatit
Naatsorsuuserinermi controlleritut naatsorsuutit pitsaassusaannik qulakkeerinninnermi aammalu suleriaatsinik ineriartortitsinermi pingaarutilimmik inissisimassaatit. Suliassat ilaatigut makkuussapput:
- Kontoplanimik ingerlatsineq pitsanngorsaanerlu
- Qaammammut, kvartanut ukiumullu naatsorsuutinut naammassinninnermut peqataaneq
- Naatsorsuutit eqqortut piffissarlu eqqorlugu naammassineqartut qulakkeerneri
- Naapertuussaanernik aammalu aningaasaqarnikkut paasissutissanik pitsaassutsimik qulakkeerineq
- Naatsorsuutit kisitsisaataannik misissueqqissaarneq aammalu nikingassutaasut malinnaavigineri
- Koncernimi tamarmi periutsinik ineriartortitsinermut pitsanngorsaanermullu peqataaneq
- Suleqatinut ingerlatsivimmullu aningaasaqarnikkut tunngasunut siunnersuineq
Matumani namminersorluni suliaqarnissamut aammalu aningaasaqarnermut suleqatigiit sinneri qanittumik suleqatiginissaannut periarfissaqarluarpoq.
Illit pillutit
Aaqqissuussisinnaavutit aammalu ataatsimut isiginnissinnaallutit, suliassat amerlagaluarpataluunniit. Sukumiisumik suliaqartarputit sukkassuserlu annaanagu.
Takorloorparput illit:
- Aningaasaqarnerup naatsorsuuserinerulluunniit iluanni naleqquttumik ilinniagaqartutit
- Naatsorsuuserinermi controlleritut assingusumik misilittagaqartutit
- Aaqqissuussaalluartumik, sukumiisumik aammalu pitsaassutsimik pingaartitsisumik suleriaaseqarputit
- Tigussaasumik suleriaaseqartutit aammalu ingerlatsineq ineriartortitsinerlu nuannaralugit
- Misissueqqissaarillaqqissuusutit aammalu kisitsisit tunuanni ingerlatsineq paasisaqarfigerusullugu
- Suleqateqallaqqissuusutit aammalu suleqatigiinnut pitsaasumik ilanngussaqartartutit
Neqeroorutigaavut
- Atorfik pissanganartoq assigiinngisitaartorlu akisussaaffeqarfiulluartoq
- Aningaasaqarnermut immikkoortortaqarfiup sunniuteqarfiginissaanut ineriartortinnissaanullu periarfissaq
- Persuarsiorani suliffeqarfik aalajangiisarnerillu sukkasuumik ingerlanneqartartut
- Ilinniartitaanikkut ineriartortitsineq pikkorissunillu suleqateqarluni siunnersoqatigiinneq
- Ulluinnarnut allanngueqataanissamut suliaqarnissamut periarfissaq
Naatsorsuuserinermi controllererput nutaaq illiua?
Taava qinnuteqaatit CV-llu nassiunneqarsinnaapput uunga: CFO Maja Fjordside, Denne e-mail adresse bliver beskyttet mod spambots. Du skal have JavaScript aktiveret for at vise den.
Oqaloqatiginninnerit ingerlaavartumik ingerlanneqassapput piukkunnartumik nassaarnissatta tungaanut, aammalu akissarsiat piginnaasat naapertorlugit aalajangersarneqassapput.
Apeqqutissaqaruit, CFO Maja Fjordside attavigiuk oqarasuaammut: +299 34 24 83.