Suliffeqarfimmi ineriartortumi suleqataarusuppit?
Niclasen A/S aningaasaqarnermut immikkoortortaqarfitsinnut marlunnik tunniusimalluartunik aaqqissuulluakkamillu sulisinnaasunik sulisussarsiorpoq, Debitorbogholderi aamma Kreditorbogholderi.
Niclasen A/S-imi angallannermut, logistikkimut kiffartuussinermullu suliffeqarfimmi nutaaliaasumi ingerlalluartumilu, ineriartortitsinermik, pitsaassutsimik suleqatigiilluarnermillu qitiutitsisumi suleqataalissaatit. Niuerfitsinni tamani malunnaatilimmik ineriartortoqarpoq, taamaattumik nutaanik marlunnik suleqatitaarnitsigut aningaasaqarnermut suliaqarfipput nukittorsarusupparput.
Aningaasaqarnermut suleqatigiit nukittuut peqatigilissavatit, tamaani sulianut tunngatillugu isumasioqatigiinnerit, akisussaaffiit suleqatigiinnerillu ingerlaqatigiipput. Tamatuma saniatigut nammineq ERP-systemitsinnik ineriartortitsineq sulissutigisarparput, suliffeqarfitsinnut pitsaanerpaamik tapersiisinnaaniassammat. Taamaattumik isumassarsiatit misilittakkatillu suleriusitsinnik pitsanngorsaanissatsinnut sunniuteqaqataassapput.
Uagutsinni aningaasaqarnermut immikkoortortaqarfimmut suleqataaginnarnak, ingerlatseqatigiiffiup sinneranut aamma pingaarutilimmik inissisimassaatit.
Niclasen A/S pillugu
Niclasen A/S angallannerup, assartuinerup kiffartuussinerullu iluani Kalaallit Nunaanni suliffeqarfiit siuttut ilagaat. Ilaatigut umiarsuarnik angallassinerup, nassiussanik suliaqarnerup, kraninik suliaqarnerup, eqqakkanik aqutsinerup aamma kantinanik ingerlatsinerup iluani aaqqiissutissanik neqerooruteqartarpugut. Aamma sullivik Saffiorfik A/S ingerlapparput.
Pitsaassuseq qaffasissoq, akisussaassuseqarneq aammalu aaqqiissutissanik nassaarsinnaassuseqarneq ilisimaneqaatigaagut. Niuerfinnut assigiinngitsorpassuarnut attuumassuteqaratta ulluinnarni sulineq assigiinngisitaarpoq, ullullu marluk assigiinneq ajorput. Tamatuma saniatigut suliffeqarfitta naleqartitai nukittupput, aalajangiinissamut aqqutit naapput aammalu sulisut peqqissusaannik piginnaasanillu ineriartortitseqqinnissaq ukkatarinnippugut.
Debitorbogholderi
Debitorbogholderitut suliffeqarfimmi naatsorsuuserinermut tunngasut akisussaaffigissavatit ulluinnarnilu aningaasaqarnermik aqutsinermi qitiusumik inissisimassallutit.
Suliassatit
- Akiligassallit akiliutaannik ulluinnarni malinnaaneq
- Igaffimmi aaqqissuussinernut ataatsimiittarfiit attartortinnerannullu akikiligassaliorneq aammalu nerisassanut billetinik tunniussineq
- Karsinik kisitsineq aammalu ERP-systemitsinnut nalunaarsuineq
- Akiligassalinnut nalunaarsuineq aammalu ingerlaavartumik assigiissaarineq
- Kontoudtoginik suliaqarneq nassiussuinerlu
- Akiliinissamut eqqaasitsissunik nassiussineq sullitanullu attaveqarneq
- Immikkoortortaqarfinnut nammineq akiligassaliortartunut ikiuunneq
- Qaammatikkaartumik ukiumullu naatsorsuutinik naammassinninnermi peqataaneq
Kreditorbogholderi
Kreditorbogholderitut suliffeqarfiup akiitsoqarfinnut tunngatillugu suliaqarfia akisussaaffigilissavat pisiortorfinnullu akiligassaat eqqortumik piffissarlu eqqorlugu suliarineqartarnissaat qulakkeertassallugu.
Suliassatit
- Akiitsoqarfinnut naatsorsuusiornermik aqutsineq, ilaatigut pisiortorfinnut akiligassanik nalunaarsuineq aamma naatsorsuusiorneq
- Akuersissutinik ingerlatsinnerup eqqortuunissaanik qulakkeerineq aamma akuersissutinik amigaatigineqartunik nangitsineq
- Akiitsoqarfinnut akiliineq kiisalu pisiortorfinnut kontinik assigiissaarineq
- Pisiortorfinniit saaffiginnissutinut akissuteqarneq aammalu pisiortorfinnik oqaloqatigiinnermi aaqqiagiinnginnernik nangitsineq
- Akiitsoqarfinnik aamma aningaasaqarnermut kontinik allanik akiitsoqarnermut suliaqarfimmut attuumassuteqartunik assigiissaarineq
- Qaammatikkaartumik ukiumullu naatsorsuutinik naammassinninnermi peqataaneq
- Akiitsoqarnermut suliaqarfimmi suleriutsinik ingerlaavartumik pitsanngorsaanermut suleqataaneq
Kinaavit?
Naatsorsuutigaarput:
- Naatsorsuuserinermi imaluunniit aningaasaqarnermi assingusumik misilittagaqarneq
- Naatsorsuuserinermi suliassat aamma aningaasaqarnermut tunngasut pillugit paasisimasaqarluarneq
- Aaqqissuulluakkamik sulisinnaaneq annikitsukkuutaanillu takunnissinnaaneq
- Akisussaassuseqarluarneq nammineersinnaanerlu
- Suleqateqarluarsinnaaneq aamma attaveqaqatigiilluarsinnaaneq
- Ulluinnarni sulinermi assigiinngitsorpassuarnik suliassaqarluni ineriartorneq
- Suleqatigiinnut pitsaasumik sunniuteqarneq pisariaqartitsisoqartillugulu ikiuisarneq
Angallannermi, logistikkimi imaluunniit kiffartuussinermi misilittagaqarneq iluaqutaavoq, kisianni piumasaqaataanngilaq. Aamma iluaqutaassaaq Kalaallit Nunaanni inuiaqatigiit kulturiallu pillugit ilisimasaqaruit, kalaallisullu attaveqarsinnaaguit.
Neqeroorutigaagut:
- Suliffeqarfimmi ineriartortumi atorfik pissanganartoq
- Aningaasaqarnikkut suliaqarfimmi pingaaruteqartumi qitiusumik inissisimaneq
- Inuttut suliffimmullu tunngatillugu ineriartornissamut periarfissaqarluarpoq
- Suliassanik aamma ERP-systeminik ineriartortitsinermut sunniuteqaqataaneq
- Suleqatit pikkortissut tunniusimasullu
- Suleqatigiilluni ilisarisimalluarneq attaviillu nukittuut
- Piginnaasat malillugit akissarsiaq
Soqutiginnippit?
Atorfinitsitsisarneq Niclasen A/S sinnerlugu Flies HR-imit ingerlanneqarpoq.
Qinnuteqaat CV-lu sapinngisamik piaartumik nassiutikkit. Ingerlaavartumik oqaloqatiginnittarpugut suleqatissallu eqqortut nassaarineqarpata atorfinititsissalluta.
Atorfik pillugu apeqqutissaqaruit Flies HR-imeiit Suleqataasoq Dorthe Flies attavigisinnaavat, mobilnormu +299583117 imaluunniit Denne e-mail adresse bliver beskyttet mod spambots. Du skal have JavaScript aktiveret for at vise den.
Flies HR-ip atorfinitsitsineq isumagisarpaa, taamaattumillu saaffiginnissutit tamarmik tassunga innersuunneqassapput. Inuttassat piukkunnartut oqaloqatiginninnissamut qaaqquneqassapput.
Atorfik pillugu apeqqutissaqaruit, CFO Maja Fjordside attavigisinnaavat Denne e-mail adresse bliver beskyttet mod spambots. Du skal have JavaScript aktiveret for at vise den..
Tusarfiginissat qilanaaraarput..
